Çfarë ndodh me Paulo Dybala? Të gjithë përpiqen për të kuptuar arsyet e momentit të vështirë që po përjeton talenti i Juventusit. Në këtë funksion, edhe “La Gazzetta dello Sport” ka bërë një intervistë me Paolo Rossin, një ish-sulmues, i cili gjatë karrierës së tij ka alternuar periudhat e lavdisë dhe të tjera të errëta. “Jam i çmendur rreth tij. Ai mund të bëjë gjithçka. Në këto kohë, kur gjërat nuk po i shkojnë si duhet, Paolo të gjejë forcën për të dalë nga tuneli. Çfarë do t’i tregoja atij? Gjithmonë, vendos vullnetin mbi gjithçka, hyj brenda fushe dhe bëj atë që mund të bësh. Filloni me gjërat e thjeshta. Dhe pastaj kujdesuni për gjithçka”, shpjegon Rossi.
Në lidhje me fjalët e Nedved, mbi sakrificat në jetën private, ish-sulmuesi i Juventusit kujton: “Juventusi nuk shprehet në këtë rast. Kështu ka qenë gjithmonë, shumë i kujdesshëm, klubi bardhezi. A mund të ketë ndikuar e dashura e tij? Çdo gjë mund të ndikojë. Nëse i rekomandoj Dybalasë të martohet? Joooo, nëse nuk e ndjen se duhet ta bëjë… Kohët kanë ndryshuar. Në kohën time jo të gjithë ishin të martuar, kishte edhe beqarë. Shoqëria ishte prapa çdo gjëje”. Së fundmi, Paolo Rossi tregon strategjinë e tij në stolin e “adoptuar” nga Allegri: “Ka lojtarë që mbyllen pas një stoli; të tjerë që prekin fushën dhe janë gati të thyejnë gjithçka. Është një pyetje që mund të duket e lehtë, por është psikologjike”.
