BBC- Kreu i Bankës Botërore, David Malpass, ka dhënë lajmë të këqija përsa i përket pasojave ekonomike të shkaktuara nga koronavirusi. Sipas tij, masat e marra për për tëluftuar COVID-19, do të shkaktojnë zvogëlimin me 5% të rritjes ekonomike.
Në vendet e varfëra tashmë miliona njerëz kanë humbur punën, ndërsa bizneset janë dëmtuar rëndë.
“Mënyra e jetesës është përkeqësuar dhe sistemet shëndetësore janë në vështirësi të mëdha. Ne vlerësojmë se 60 milion njerëz në mbarë botën do të zhyten në varfëri, duke zhvlerësuar progresin e arritur në 3 vitet e fundit”, u shpreh Malpass.
Banka Botërore ka shpërndarë 160 miliardë dollarë në formën e granteve dhe kredive me interest ë ulët, për të ndihmuar vendet e varfëra të dalin nga kriza. Deri më tani Banka Botërore ka ndihmuar 100 vende, ose thënë ndryshe 70% të popullsisë botërore.
Aktualisht numri i të prekurve nga COVID-19 në botë është 4.9 milion, nga të cilët mbi 320 mijë janë viktima.
