Protestuesit me jelekë të verdhë u mblodhën sërish sot rreth Champs-Elysees në Paris, në demonstratën e tretë kundër rritjes së çmimit të karburantit.
Ka pasur përleshje me policinë, të pranishëm masivisht nëpër rrugët e shkatërruara nga protestuesit të shtunën e kaluar. Champs-Elysees është mbyllur për makinat, por i hapur për këmbësorët. Për protestën nuk ishte kërkuar leje.
Autoritetet e rendit në Francë kanë hedhur gaz lotjesjellës dhe ujë në drejtim të protestuesve në Paris, të cilët tentuan të thyejnë kordonin në sheshin Champs Elysee.
Pas 3 orësh përleshje mes jelekverdhëve dhe forcave të rendit, numri i arrestimeve në zonën e Champs-Elysees ka shkuar në 33. Nga Bastija po vijnë drejt zonës së Champs-Elysee – rreth 200-300 jelekverdhë të tjerë, të cilët kanë parakaluar në mënyrë paqësore dhe pa zhurmë përgjatë “Rue de Rivoli”.
Në ditën e tretë të mobilizimit, pas të parës më 17 nëntor me “objektivin e parë: masa për të rritur fuqinë blerëse dhe menjëherë, sepse shumë francezë nuk arrijnë në fund të muajit. I dyti: zvogëlimi i hendekut midis qeverisë dhe qytetarëve. Duam kuvende dhe referendume në mënyrë që të gjithë të mund të shprehen”. Këtë e thotë në një intervistë për “Il Corriere della Sera”, Julien Terrier, një nga tetë delegatët e jelekëve të verdhë.
Një javë më parë, mijëra protestues, të cilët janë pa lider, janë organizuar përmes rrjeteve sociale dhe kanë kthyer Champs Elyseenë në zonë lufte me policinë.
“Jemi të brengosur se grupe të vogla të protestuesve që nuk i takojnë ‘jelekëve të verdhë’ do të infiltrohen për të luftuar me forcat e sigurisë”, tha Denis Jacob, sekretar gjeneral i Policisë.
Autoritetet deklaruan se rreth 5,000 forca të shtuara policore do të qendrojnë në rruget e Parisit për të kontrolluar protestën.
