Keita Balde është një nga surprizat e këtij sezoni dhe një nga “arkitektët” e sezonit të mirë që po zhvillon Lazio i Simone Inzaghi-t. Megjithatë vështirë të mendohet se lojtari do të qëndrojë te bardhekaltërit, duke qenë se rinovimi mes palëve ende nuk ka ardhur, me kontratën aktuale që i përfundon në vitin 2018. Prej kohësh për senegalezin interesohet Milani, por së fundmi edhe Juventusi ka hyrë në garë për 22-vjeçarin.
