Aleksandër Risilia, Co-Managing Director & Co-Founder i kompanisë “Ritech International AG”, që ofron shërbime IT për tregun në SHBA tha për podcast-in “Business Plus” se normat e reja tatimore për profesionet e lira do të ndikojnë në uljen e numrit të kompanive IT.
Z. Risilia shton se vendosja e tatimit te profesionet e lira do të ndikojë negativisht jo vetëm tek industria eksportuese e shërbimeve IT në Shqipëri, por edhe për aftësimin profesional të individëve që krijojnë start-up-e të reja inovative për tregun e huaj.
Sipas tij, industria nuk është më në krizë për gjetjen e punonjësve dhe situata me rekrutimet i është rikthyer normalitetit të periudhës para pandemisë së Covid-19./Monitor
