Zëdhënësja e PD-së, Mirela Karabina, e cila është një ndër intelektualet e angazhuara që qëndroi deri në fund në mbrojtje të Teatrit Kombëtar në Tiranë, në një postim në rrjetin social facebook ka komentuar votimin e amnistisë penale, e cila nuk përfshin protestuesit që janë proceduar për kondërshtim të forcave të rendit.
“Protestuesit që këta i thërrasin për hesape të tyre, të shkretët i bëjnë dhe deputetë me votat e tyre, këta i lënë në mes të rrugës dhe në burg duke mos i amnistuar. Amorale!
E pra, kur bëjnë pazare të ndyra dhe me jetën e qytetarëve, teatri dhe shumë të tjera sigurisht do shembeshin, pasi për këta janë thjesht objekte pazari e fitimi.” – shkruan Karabina, duke iu referuar njëkohësisht edhe daljes së një dite më parë të kryetarit të Partisë së Lirisë, Ilir Meta.
“Kur u shemb Teatri Kombëtar nga barbarët Rama-Veliaj, vetëm Lulzim Basha erdhi me shpejtësi atë mëngjes pandemie maji. Dhe njerëzit qendrestarë të tij ishin aty, brenda në teatër, të cilët e ruajtën ditë e natë Teatrin për muaj me radhë. Këta të tjerët paskan bërë vetëm hesape kundër drejtësisë e mbajtje pusheti, siç po duket qartë. E gjitha paska qenë lojë!” – shkruan ajo.
Më poshtë postimi i plotë i Mirela Karabinës:
Kur u shemb Teatri Kombëtar nga barbarët Rama-Veliaj, vetëm Lulzim Basha erdhi me shpejtësi atë mëngjes pandemie maji.
Dhe njerëzit qendrestarë të tij ishin aty, brenda në teatër, të cilët e ruajtën ditë e natë Teatrin për muaj me radhë.
Këta të tjerët paskan bërë vetëm hesape kundër drejtësisë e mbajtje pusheti, siç po duket qartë.
E gjitha paska qenë lojë!
Sa mirë do kishte qenë të ishin mbledhur të gjithë aty ditën e shembjes, para Bashkisë, si sot, sepse atë ditë motivi ishte kombëtar dhe patriotik.
Në mes të Tiranës hajdutëria oligo-politike e financiare shembi të vetmin Teatër të kombit.
Ndërsa sot shfaqen para Bashkisë duke thërritur e bërtitur për drejtorët hajdutë që me amnistinë penale që kaluan mbrëmë në parlament, I Kanë Falur.
Tallje e turpshme me qytetarët!
Dhe, protestuesit që këta i thërrasin për hesape të tyre, të shkretët i bëjnë dhe deputetë me votat e tyre, këta i lenë në mes të rrugës dhe në burg duke mos i amnistuar.
Amorale!
E pra, kur bëjnë pazare të ndyra dhe me jetën e qytetarëve, teatri dhe shumë të tjera sigurisht do shembeshin, pasi për këta janë thjesht objekte pazari e fitimi.
E sot, bëjnë sikur!
Por, fatmirësisht, e vërteta zhytet por nuk mbytet!
