“Jeni të gjithë të mirëpritur në ditën e lindjes së pluralizmit dhe Partisë Demokratike”, ky është mesazhi që Kryetari i PD Basha ka shpërndarë përmes rrjeteve sociale për të gjithë demokratët. Basha ka menduar një mënyrë të veçantë për të kujtuar krijimin e të parës parti opozitare në Shqipëri që shkatërroi diktaturën komuniste. Ceremonia nuk do të zhvillohet në sallat luksoze, por në shtëpinë e të gjithë demokratëve që është selia e PD në Tiranë. Askush nuk do të jetë i përjashtuar për të marrë pjesë në këtë ceremony. Të pranishmit do të kenë mundësi që të vizitojnë zyrat e punës në selinë e PD dhe të gjitha ambjentet ku zhvillohet vendimmarrja e më të madhes parti opozitare në vend.
