Ndërkohë që Sali Berisha ka nisur turin e dytë nëpër Shqipëri, njerëzit që e ndjekin kanë nisur t’i rrallohen përditë dhe më shumë.
Demokratët e kanë të qartë, tashmë, se këto takime nuk bëhen për ta, por kundër SPAK-ut dhe Gjykatës së Posaçme.
Në një prononcim për mediat, zëdhënësja e PD-së, Mirela Karabina, thekson se arsyeja se pse vijon të shpifë Sali Berisha, është frika e tij.
“Sot ai e di që nuk e shpëton dot as Edi Rama, pasi është i izoluar nga ndërkombëtarët dhe i kërkuar nga drejtësia.’ -shprehet Karabina në reagimin e saj.
“Me shpifje e mashtrine Sali Berisha vetëm zgjat ankthin e tij por hallin nuk e zgjidh dot!” – përfundon reagimin e saj zëdhënësja për shtyp e PD-së.
REAGIM I ZËDHËNËSES SË PARTISË DEMOKRATIKE, MIRELA KARABINA
Berisha ka frikë!
Në turin e tij kundër drejtësisë Sali Berisha ka vijuar edhe sot me shpifjet dhe mashtrimet.
Arsyeja pse Sali Berisha vazhdon me akuzat ordinere është frika e tij.
Sot ai e di që nuk e shpëton dot as Edi Rama, pasi është i izoluar nga ndërkombëtarët dhe i kërkuar nga drejtësia.
Por, Sali Berisha bën mirë t’u tregojë demokratëve që i ka shndërruar
në mburojë të halleve të tij:
– Pse e mohoi Erzen Breçanin?
– A e ka urdhëruar Erzen Breçanin të pergatisë logjistikën për të sulmuar PD- në më 8 janar?
– Pse i fshihet drejtësisë?
– A i ka kërcënuar prokurët e SPAK-ut dhe Gjyqtarët?
Me shpifje e mashtrine Sali Berisha vetëm zgjat ankthin e tij por hallin nuk e zgjidh dot!
