Nga Bledi KASMI
PD është frymë dhe fryma nuk vdes, duhet vetëm ta njohësh, ta ndjesh dhe ta prekësh për të kuptuar forcën e saj.
Në PD nuk ka “ne” dhe “ata”. E tillë është për ata që as ja kanë haberin se çfarë janë demokratët.
Në PD të gjithe janë Një, të ndryshëm brenda lirisë që kemi prodhuar 30 vite më parë, në ide dhe antikonfomistë në genin politik.
PD nuk rithemelohet sepse ajo është bartësja e historisë më të mirë të këtij vendi. Rithemelimin si rilindje e keni te Rilindja dhe atje mjafton.
Historinë e kësaj force politike që ka bërë historinë e këtij vendi nuk ka forcë mbi dhe ta zerojë.
PD do ja dalë të ringrihet duke u përballur me regjimin për çdo ditë e orë kudo ku është padrejtësia në mbrojtje të lirive të fituara.
Më pak ideologë dhe më shumë besim, veprim, kurajo, motivim e thjeshtësi është ajo që nevojitet sot.
