Ka përfunduar Samiti i liderëve europianë për Ukrainën të zhvilluar në Londër.
Në fjalën e saj, presidentja e Komisionit Europian, Ursula von der Leyen, deklaroi se Evropa duhet të riarmatoset urgjentisht.
Gjithashtu nënvizoi se liderët patën një diskutim të mirë dhe të sinqertë, duke u ndalur në atë që nevojitet për ta vendosur Ukrainën në një pozicion të fortë.
Ajo tha se Ukraina ka nevojë për garanci gjithëpërfshirëse të sigurisë, duke mbështetur pozicionet e saj ekonomike dhe ushtarake.
Von der Leyen i dërgoi gjithashtu një mesazh presidentit të SHBA-së, Donald Trump.
“Ne jemi gati së bashku me ju të mbrojmë demokracinë, të mbrojmë parimin se ekziston një shtet ligjor që nuk mund të pushtoni fqinjin tuaj ose nuk mund t’i ndryshoni kufijtë me forcë”, tha ajo.
