Një tjetër aksident me vdekje ka ndodhur mbrëmjen e sotme, duke e çuar në 3 numrin e ngjarjeve dhe viktimave.
Aksidenti i radhës ka ndodhur në Fier, në Baypassin e Levanit.
Një makinë ka përplasur një këmbësor, duke i marrë jetën. Aksidenti i parë ndodhi pasdite në Shkallën e Tujanit në Tiranë, ku humbi jetën një 68-vjeçar dhe aksidenti i dytë ndodhi në rrugën Lezhë-Milot, ku humbi jetën një tjetër person.
Policia e Fierit/ Informacion paraprak
Sot rreth orës 18:40, në Bypass-in Levan-Fier, në vendin e quajtur ‘Kryqëzimi i Baltëzes’, shtetasi Gj. Z., 59 vjeç, banues në Tiranë, duke drejtuar automjetin tip ‘Benz’ me targa AA478YC ka aksidentuar me pasojë vdekje shtetasin S. S., 59 vjeç, banues në Fier, i cili ka qenë duke lëvizur në këmbë.
U shoqërua drejtuesi i mjetit dhe po kryhen veprimet procedurale dhe hetimore për zbardhjen e plotë të ngjarjes.
