Gjatë zhvendosjes së protestuesve të PDIU dhe shoqatës “Çamëria” nga ambientet e Ministrisë së Jashtme drejt kryeministrisë, ka agravuar situata në përplasje fizike mes protestuesve dhe policisë, ku një person ka humbur ndjenjat.
“Është arrestuar Bojken Abazi bashkë me aktivistë të tjerë të shoqërisë civile, i jam drejtuar disa herë punonjësve të Policisë, se ne nuk kemi ardhur këtu për të treguar forcën me ta, kemi ardhur për të protestuar kundër ministrit të jashtëm grekë.
Ky është një turp i Policisë Shqiptare. Nëse janë trima, të turren në jug, dhe të kapim hajdutët e vrasësit dhe të mos merren me shqiptarët e Çamërisë.
Do u mbajmë mend emër për emër dhe fytyrë për fytyrë, të gjithëve ju që sot vepruat në shkelje të ligjit”, u shpreh Idrizi.
