“Po bëjnë gjithçka për t’i ikur drejtësisë”/ Basha: Rama në panik! Kërkon të pengojë punën e komisionit për inceneratorët. Inkurajojmë prokurorinë të bëjë drejtësi për vjedhjen 430 milionë eurove!

Kreu i PD Lulzim Basha ka reaguar lidhur me situatën e tensionuar që u krijua ditën e sotme në Komisionin Hetimor dhe pas padisë që Ermonela Felaj bëri ndaj Jorida Tabakut.

Me një postim në Facebook,Basha shkruan se Edi Rama dhe PS po bëjnë gjithçka për t’i ikur drejtësisë por shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milion euro.

Edi Rama dhe PS po bëjnë gjithçka për t’i ikur drejtësisë. Ata po përpiqen ta pengojnë dhe të largojnë vëmendjen nga puna e madhe që ka kryer Jorida Tabaku me Komisionin Hetimor për inceneratorët.

Ne nuk do të tërhiqemi, por do të vazhdojmë të vendosur, punën, për të zbuluar gjithçka, deri në fund.

Shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milion euro.

Ne inkurajojmë prokurorët të bëjnë punën e tyre dhe i bëjmë thirrje Ramës dhe PS që të mos nervozohen, ndonëse duket qartë se pse kanë gjithë arsyet e botës për tu frikësuar.

Artikulli paraprak Dhurata Çupi i drejtohet Ermonela Felaj: Ju jeni partia e radhës së qumështit, e tollonave. Tabaku: Felaj ka ardhur me detyrën e zhurmuesit
Artikulli tjetërDerë më derë për ndryshimin e 6 Marsit, Indrit Sefa në Lushnjë: Çdo qindarkë në shërbim të lushnjarëve