Kreu i Partisë Demokratike, Lulzim Basha, në një konferencë për media është shprehur se ndodhemi përpara një përpjekjeje për të ndërtuar struktura paralele, por shtoi se PD qëndron fuqimisht kundër kësaj përpjekje të mazhorancës.
“Ndodhemi përhapa një përpjekje sa absurde aq tinëzare për të ndërtuar struktura paralele, me të njëjtin zell si strukturat paralele në veri të Kosovës. Është e pakuptueshme kur ndodh në një vend që ka detyrime të qarta të veprojë dhe që nuk i zbaton.
Struktura e parë paralele është një komision monitorimi për SPAK dhe vazhdon të qarkullojë me kokëfortësi si një përpjekje absurde antikushtetuese për të vendosur nën kontroll politik. E kanë bërë në një mënyrë tinëzare. Dua të përsëris se PD qëndron fuqimisht kundër kësaj përpjekje të kësaj mazhorancë me çfarëdolloj aleatësh të fshehur apo jo, pazari apo jo, për të filluar presionet e hapura institucionale kundër SPAK. Krijimi i një instance të tillë është për ne i papranueshëm dhe është një qëndrim që ndahet nga shumica dërrmuese e qytetarëve shqiptarë.
Ana tjetër e kësaj medalje është paniku, ndërkohë që SPAK ka filluar të japë rezultat e para me figura të larta të kësaj qeveria. Inkurajimi për punën e SPAK është e plotë. Mbështetja për SPAL është e pakusht.
E nis me këtë me një sinjal ndaj atyre që në bashkëpunim të fshehtë ose të hapur qëndrojnë pas këtij plani diabolik, për t’u thënë se PD nuk e ka humbur vigjilencën.
Strukturë paralele për të zv komisionin bipartizan për të Reformës Zgjedhore. Strukturë memece. Pas pazarit mes palëve për të prishur komisionin, nuk ka asnjë transparencë me arritjet e deritanishme, por vetëm një strukturë paralele që duket qartë që mision të vetën ka mbajtjen në fuqi marrëveshjen famëkeqe të 2008”, tha Basha.
