Nga Enriketa Papa
Mendimi im mbi grupimin anti-berishe dhe lidershipin e tij, eshte po i njejti, qe me 2021.
Nese vendosem t’i rezistojme Berishes, e beme te qarte, se me te ne krye, PD, nuk kishte shance te vinte ne pushtet. Damka e korrupsionit madhor, minimit te demokracise dhe nderhyrjeve brutale ne sistemin e drejtesise, nuk do te hiqeshin, por do te viheshin mbi te gjithe PD, duke pamundesuar ardhjen ne pushtet.
Mbi Bashen si lider i ketij grupimi, nuk kam ndryshuar mendim. Doreheqja e tij me 2022, u pranua nga te gjithe, te ndergjegjshem qe ai do rikthehej ne krye te ketij grupi. Me rikthimin e tij, pavaresisht kritikave dhe skepticizmit te strategjise se tij per suksesin e grupit, kam menduar qe prova per t’i kerkuar nje doreheqje finale nga kreu i grupit politik, eshte ajo elektorale. Ende s’jemi ne zgjedhje.
Respektoj cdo veprim antiberishe dhe jam per krijimin e nje partie te re, jo rekurs per PD, pasi gjykata u shpreh dhe me pahir s’mund t’i imponohemi kujt qe nuk na do. Respektoj dhe punen per ndertimin e nje kualicioni te gjere, anti status-quo te dakordesuar mes Berishes dhe Rames me 2008.
Por nuk mund te bej sikur s’kuptoj, kur shumica ne kete grupim anti-berishe, dmth shumica e njerezve jane me Bashen. Sado te mllefosur kundra vendimit te Apelit te 11 qershorit te jene njerezit qe kane qene bashke deri me 11 qershor, nuk mund te kritikojne dhe gjejne fajin vetem te Basha, pasi ekip me te kemi qene te gjithe, dhe me vullnet i jemi bindur vendimeve te kryesise apo dakordesise me te.
Nese kerkohet parti e re, nuk mund te injorojme faktin, qe shumica e njerezve ne pjesen “euro-atlantike” jane me Bashen. Ketu e kam fjalen per njerezit e strukturave te ketij grupimi, qe deri me 11 qershor ishin zgjedhur dhe sot jane ne medyshje mbi mjegullnajen e qendrimeve te lidershipit ndaj te ardhmes se ketij grupimi politik.
Gjetja e shpetimit tek “IDe”ja e hartuar qe me 2021, kur pretendohet parti e re, na riciklon po ide te vjetra politike. Nese keto ide do ishin konsideruar te suksesshme, do ishin perqafuar qe atehere. Por, jo sot, me 2024, kur ngritja e nje partie te re te se djathtes, kerkon origjinalitet, jo kopjim idesh ekzistuese.
Ndaj nese e kemi seriozisht ndertimin e nje poli te trete, duhet te jemi origjinale, te reflektojme, te mos perjashtojme kend, te konsiderojme realisht potencialet njerezore dhe financiare, te ulemi me qetesi bashke te gjithe, dhe te vendosim bashkarisht se cdo behet me kete grupim.
Copezimi i metejshem i se djathteve s’duhet bere preh e presionit kohor, atij individual dhe imponimeve te rrethanave dyterore. Mendoj se paresore ne keto momente eshte mbijetesa si grupim i djathte antiberishist dhe mbeshtetes i drejtesise dhe i “checks & balances” te pushtetit ne Shqiperi.
Po u vijua me ngritjen e copezave opozitare, e djathta do kthehet ne OJF, por kurrsesi parti politike.
Duhet maturi, dialog dhe mençuri.
