Policia Bashkiake e Tiranës jo vetëm që është kthyer në një makth për shitësit ambulantë, por tashmë ju merr dhe gjysmën e mallit nën kërcënimin se do ju vejë gjobë. Gjatë ditës së djeshme një tjetër rast korrupsioni i policisë së Veliajt është denoncuar nga qytetarët. Sipas denoncuesit ngjarja ka ndodhur tek zona e “Medresesë”, ku policët i kanë marrë një shitëseje disa rroba në këmbim të mos vënies së gjobës. Sipas dëshmitares në vendngjarje, policët morën qese me disa produkte për vete në këmbim të mos vendosjes së gjobës.
