Nga Mirela Karabina
Portali i punësimit “Mësues për Shqipërinë (Partinë)” është një portal partiak që po diskriminon prej vitesh mësuesit. Të emërohesh mësues sot duhet të jeshë votues i Rilindjes socialiste, dhe nuk ka rëndësi nëse je listuar i pari apo i dyti në testimin e këtij portali.
Paradoksi qëndron te “forca” e këtij portali për të zhvlerësuar jo vetëm diplomën univeristare, por edhe licensën e lëshuar nga vetë Ministria e Arsimit.
Pra, pasi diplomohesh si mësues, faza e dytë është licensimi në QSHA (proces ky me probleme më vete) dhe faza e tretë punësimi, duhet të kalosh në portalin e partisë -shtet.
Mbivendoje kompetencash të institucioneve shtetërore, dhe
këtë e bëri dhe e bën Edi Rama me Rilindjen!
Sapo erdhi në pushtet përdori këtë mekanizëm politik, edhe pse për disa vite portali nuk ekzistonte fare në Ligjin e Arsimit Parauniversitar, pikërisht për ta nënshtruar duke e diskriminuar mësuesin për qëllimet e veta, sigurimi i armatës elektorale.
Rilindja propagandistike dhe kopjace e shëmtuar huazoi nga Italia togfjalëshin “Mësues për Italinë” dhe jo procesin, i cili ishte i vërtetë dhe kumptimlotë, pasi ishte një thirrje për mësuesit që të shkonin ku kishte nevojë vendi, Italia.
Ndërsa këtu është një portal partiak denigrues dhe aspak motivues për mësuesit, pasi vë në dilemë profesionale mësuesit duke i sorollatur në vite.
Kështu, Udhëzimi i strukturë s së vitit shkollor 2024-2025 ka dalë më korrik 2024 dhe përcakton datën 9 shtator për fillimin e vitit të ri. Bazuar në rregulloren e fuksionimit të shkollës, mësuesit paraqiten dy javë para për të nisur përgatitjet. Por, në të njëjtën kohë do të zhvillohet dhe portali ku shumë mësues në pritje dhe pa emërim apo dhe me kontrata një vjeçare do të jenë në proces testimi pa e ditur ende ku do të përfundojnë në cilën shkollë apo klasë, edhe pse viti shkollor do të ketë filluar.
Ҫ’administrim dhe menaxhimi është ky, nuk zhvillohej dot në kohë portali?!
Lietratura e përzgjedhur për testin është një tjetër aspekt denigrues, pse jo dhe tallës për mësuesin, shumë ligje dhe udhëzime të përfshira edhe pse ndryshojnë përgjatë vitit, ndërsa mësuesi duhet t’i dijë përmendësh.
Po pse, kur ligjet lexohen me kujdes dhe pastaj zbatohen?
E rëndësishme për një mësues është diploma e mësuesisë, stazhi nëse është mësues i ri dhe kompetencat e fituara, eksperienca për mësuesit me përvojë, objektivat që ai ka dhe pritshmëritë, refenca të lëshuara nga institucionet e punësuara, vlerësimi dhe rezultatet e arritura përmes cilësisë së nxënësve, kualifikimet dhe aspekte të etikës profesionale.
Por siç dhe duket, këto kritere nuk i hyjnë në punë Rilindjes socialiste pasi qëllimi nuk është as shkolla, as mësuesi e nxënësi, por sigurimi i armatës elektorale.
Dhe këtë e realizon lehtësish përmes zhvlerësimit të institucioneve shtetërore në kurriz të mësuesve dhe shoqërisë.
Por, mësuesit nuk e meritojë këtë trajtim diskriminues.
Shqiptarët nuk e meritojnë këtë pushtet të korruptuar të Edi Ramës që ka vendosur partinë mbi Shqipërinë.
Shqipëria meriton më shumë!”
