Edi Rama njihet për shpotitë e tij, por edhe ato e kanë një limit, sidomos kur bëhet fjalë për figura të rëndësishme të kombit.
Gjatë bashkëbisedimit në Këshillin Atlantik, Rama ka shfrytëzuar momentet e fundit të intervistës për të bërë atë që di të bëjë më mirë, një batutë.
Teksa gjatë gjithë kohës prapa tij ndodhej portreti i Ismail Qemalit, Rama është pyetur nga gazetari se kush është personi prapa tij.
“Gjyshi im, nuk e shikoni ngjashmërinë”, u shpreh Rama me tone shpotitëse, duke treguar edhe tiparet fizike të ngjashme me Ismail Qemalin.
Pyetja që shtrohet është: A mundet një Kryeministër të bëjë humor me “babain e kombit” pikërisht në prag të 28 Nëntorit?
