Janë të paktë ata që kanë akoma edhe dyshimin më të vogël se Spartak Ngjela nuk ka rrjedhur. Sa herë hap gojën, njerëzit kanë akoma më shumë mundësi për të kuptuar sharlatanin që qëndron pas këtij personazhi. Në çdo tre fjalë përmend, amerikani, gjermani, francezi apo italiani. Plotësisht një personazh qesharak për të cilin njerëzit në rrjetet sociale tani thonë; “Prap ky idiot!”
Përmes një postimi të ri në FB ka kritikuar hapur vendimin e Presidentit për të mos dekretuar Ministrin e Brendshëm, të propozuar nga Edi Rama.
Ngjela shkruan ndër të tjera, se mendohet që ministrin e ka propozuar politika gjermane ose ajo amerikane dhe Meta duhet të jetë trembur. “Sigurisht që këtë gjë nuk duhet ta ketë dashur as Saliu”, shkruan Ngjela.
Postimi i plotë:
Ku ka të drejtë Presidenti që të mos dekretojë një ministër!
Sipas kësaj, atëherë ky president ka të drejtë që të mos dekretojë edhe kryeministrin që ka fituar zgjedhjet. Domethënë që të shpallet monark absolut.
Turp historik. Po sigurisht, derisa kanë zgjedhur president një njeri që nuk bën dot dallimin midis dorës dhe këmbës, se i duken të gjitha këmbë, sigurisht që kjo do të jetë ecja jonë.
Po, ku ta dijë ky president se ministri juridikisht nuk është gjë tjetër vetëmse kompetenca e deleguar e kryeministrit. Semos e di kryeministri aktual këtë! As ky nuk e di.
Këta janë, nuk ke ç’të bësh.
Por ka edhe diçka. Me ministër të brendshëm një katolik, bëheshin tre katolikë në luftë kundër korrupsionit: Prokurorja e Përgjithshme, Prokurorja e Krimeve të Rënda dhe ministri i Brendshëm. Domethënë tre ultraperëndimorë, në një kohë që Reformën në Drejtësi po e drejton politika perëndimore. Nuk e dimë se kush e ka propozuar ministrin Lleshaj, por, për faktin që është trembur Meta, mendohet se e ka propozuar politika gjermane ose ajo amerikane.
Sigurisht që këtë gjë nuk duhet ta ketë dashur as Saliu.
Janë të trembur, prandaj. Po korrupsioni i lartë shtetëror nuk ka shpëtim.
Shqipëria sot ndodhet përpara këtij udhëkryqi: ose do të degradojë në një varfëri shpërbërëse, ose do të ndëshkojë korrupsionin kryeministror shqiptar dhe do të hyjë në Bashkimin Europian.
Jam i bindur se do të ndodhë kjo e dyta.
