Presidenti i përkohshëm i Sirisë, Ahmed al-Sharaa, do të vizitojë të martën më 4 janar Ankaranë, në udhëtimin e tij të dytë zyrtar jashtë vendit pas Arabisë Saudite.
Lajmin është dhënë nga presidenca turke, e cila ka njoftuar se Ahmed al-Sharaa, do të bëjë një vizitë në Ankara me ftesë të Presidentit tonë Recep Tayyip Erdogan.
“Presidenti i përkohshëm i Republikës Arabe Siriane, Ahmed al-Sharaa, do të bëjë një vizitë në Ankara të martën, më 4 shkurt, me ftesë të Presidentit tonë Recep Tayyip Erdogan”, tha X-së Drejtori i Komunikimit të Presidencës Turke Fahrettin Altun.
“Masat e përbashkëta që duhet të marrin dy vendet tona për rimëkëmbjen ekonomike, stabilitetin dhe sigurinë e qëndrueshme në Siri, do të vlerësohen gjatë takimit që do të mbahet në pallatin presidencial”, thuhet në njoftimin e presidencës turke.
Turqia, e cila ndan një kufi 910 kilometra me Sirinë, ka pritur rreth tre milionë refugjatë sirianë. Rreth 80,000 prej tyre janë kthyer në Siri që nga rënia e regjimit të Bashar al-Asad.
Turqia mbështet udhëheqjen e re siriane dhe deklaron gatishmërinë e saj për të marrë pjesë në rindërtimin e vendit.
Nga Riadi, lideri sirian përshëndeti “vullnetin e vërtetë të Arabisë Saudite për të mbështetur Sirinë në ndërtimin e së ardhmes së saj” dhe foli për një partneritet të vërtetë.
Ai sqaroi se gjatë takimit të tij me Princin e Kurorës Mohammed bin Salman, ata diskutuan programe të mëdha të së ardhmes në fushat e energjisë, teknologjisë, arsimit dhe shëndetësisë.
Udhëheqja e re në Damask po mbështet te vendet e pasura të Gjirit për të financuar rindërtimin e vendit dhe rimëkëmbjen e ekonomisë së tij pas 14 vitesh lufte dhe sanksionesh ndërkombëtare.
Vizita e Ahmed al-Sharaa në Riad shënon gjithashtu distancimin e Sirisë nga Irani dhe dobësimin e pozicionit të Teheranit në rajonin e Lindjes së Mesme.
