Nipi i ish-presidentit amerikan John F Kennedy, ka reaguar pasi Presidenti Donald Trump nënshkroi urdhrin e publikimit të mijëra dosjeve të klasifikuara për vrasjen e gjyshit të tij.
Vrasja e vitit 1963 në Dallas është burimi i një prej teorive më të njohura konspirative të kohëve moderne. Lee Harvey Oswald u tha se ishte autori, i cili u qëllua për vdekje dy ditë pas vrasjes së JFK.
Teoritë që kanë vazhduar përfshijnë se kishte një sulmues të dytë dhe se ishte komplot i lidhur me Kubën komuniste. Presidenti Trump kishte premtuar gjatë fushatës së tij zgjedhore të bënte publike të dhënat e fundit të mbajtura në fshehtësi për këtë rast.
Ai nënshkroi një urdhër ekzekutiv për këtë të enjten, duke u thënë gazetarëve se “gjithçka do të zbulohet”.
Megjithatë, nipi i JFK, Jack Schlossberg, iu kundërpërgjigj urdhrit ekzekutiv të Presidentit Trump, duke thënë se nuk kishte “asgjë heroike” në të.
“E vërteta është shumë më e trishtueshme se miti, një tragjedi që nuk duhej të ndodhte,” shkroi ai në X. “Deklasifikimi është përdorimi i JFK-së si një mbështetje politike, kur ai nuk është këtu për të kundërpërgjigjur”, tha Jack Schlossberg.
Trump kishte premtuar se do të zbulonte dokumentet gjatë mandatit të tij të parë, por ra dakord me CIA-n dhe FBI-në, për të mbajtur disa sekrete.
Nipi i JFK, Robert F Kennedy Jr, është i zgjedhuri i presidentit për sekretar shëndetësor dhe ka thënë se nuk është i bindur se vetëm një njeri qëndron pas vrasjes së xhaxhait të tij. Pas nënshkrimit të urdhrit, Trump urdhëroi që stilolapsi t’i jepej RFK Jr.
Urdhri gjithashtu do të deklasifikojë të dhënat e mbetura federale për vrasjet e ikonës së të drejtave civile, Martin Luther King Jr, në vitin 1968.
King u qëllua jashtë një moteli në Memphis, Tennessee, ku ai kishte mbështetur punonjësit në grevë dhe vdiq në spital. James Earl Ray u deklarua fajtor për vrasjen e tij, por më vonë hoqi dorë nga pranimi i tij dhe mbajti pafajësinë e tij deri në vdekjen e tij.
Prokurori i përgjithshëm dhe kreu i inteligjencës kombëtare tani duhet të dalin me një plan në 15 ditët e ardhshme për të deklasifikuar dosjet e JFK-së dhe brenda 45 ditëve për rastet e tjera.
