Zgjedhjet presidenciale në Shtetet e Bashkuara të Amerikës janë planifikuar për nesër dhe në periudhën që është pas nesh, deri më tani kanë votuar një numër rekord prej 93 milionë qytetarësh.
Kjo është pikërisht arsyeja pse zgjedhjet presidenciale të këtij viti mund të kenë pjesëmarrjen më të lartë në 112 vitet e fundit, në një kohë ndoshta të ndarjes më të madhe politike dhe pandemisë së coronavirusit, shkruan theguardian.
Në një vend ku mbajtja e maskave është bërë gjithashtu një gjë politike, duket se qytetarët po mundohen t’i shmangin turmat më 3 nëntor dhe të hedhin votën e tyre, transmeton Telegrafi.
Sipas të dhënave nga Universiteti i Florida, më shumë se 93 milionë qytetarë tashmë kanë votuar. Për hir të krahasimit, gjithsej 136 milionë qytetarë votuan në zgjedhjet presidenciale të vitit 2016.
Michael McDonald, një profesor në Universitetin e Florida që merret me statistikat e zgjedhjeve të këtij viti, beson se një total prej 150 milionë amerikanëve mund të shkojnë në votime, që do të përfaqësonte një pjesëmarrje prej 65 për qind. Kjo do të ishte përqindja më e lartë e pjesëmarrjes që nga viti 1908.
Dita zyrtare e zgjedhjeve fillon të martën, 3 nëntor dhe qytetarët do të zgjedhin midis Joseph Bidenit dhe Donald Trumpit ndërsa 239 milionë qytetarë kanë të drejtën e votës.
