Ndonëse pjesa më e madhe janë shpërndarë për shkak të orëve të gjata që kanë qëndruar pranë Teatrit, temperaturave të larta dhe lodhjes, një pjesë e protestuesve kanë qëndruar në bulevard.
Në imazhet e siguruara nga “BalkanWeb” protestuesit shihen të ulur këmbëkryq në rrugën mbi parkun “Rinia”. Kryesisht janë të rinj. Ndërkohë gazetarja Dorjana Bezat raportoi për “BalkanWeb” se drejtori i policisë së Tiranës Rebani Jaupaj ka dhënë urdhër që të lirohet rruga “Myslym Shyri” dhe në vazhdim por sapo kanë parë mjetet e policisë protestuesit janë mbledhur dhe janë ulur në tokë.
Ndërkohë policia po negocion me protestuesit të cilët i kanë pritur me ovacione dhe kanë refuzuar t’i binden urdhrit të policisë.
