Zinedine Zidane, njeriu i stolit të Real Madridit, është duke u formësuar si trajneri i ardhshëm i PSG-së, sipas “Le10Sport”, portalit të njohur francez, i cili zbulon këtë informacion nga klubi parisien. Zidane, i cili është vënë në pikëpyetje në “Bernabeu”, pasi ka dalë jashtë garës së La Liga-s dhe Kupës së Mbretit në gjysmë të sezonit, është njeriu i zgjedhur nga drejtuesit e PSG-së për të ardhmen. Tani për tani, sipas “Le10Sport”, në qoftë se Unai Emery nuk mbërrin në gjysmëfinale të Ligës së Kampionëve 2017-2018, e ardhmja e tij në “Parce de Princes” do të jetë e pamundur. Arritja në gjysmëfinale të Champions-it bën që kontrata e tij të rinovohet automatikisht edhe për një vit, por kjo nuk do të thotë që Unai Emery ende nuk i plotëson pritshmëritë.
Ndërkohë, klubi francez ka nisur tashmë kontaktet fillestare me mjedisin që e rrethon Zinedine Zidane për të ditur nëse ai do të jetë i gatshëm të pranojë një ofertë të mundshme dhe të marrë përsipër drejtimin e PSG-së nga sezoni 2018-2019. “Le10Sport” thotë se, tani për tani, nuk ka pasur negociata apo kontakte të drejtpërdrejta me Zidanen, por trajneri i Real Madridit është zgjedhja e parë e PSG-së për sezonin e ardhshëm. Për momentin, emri i Zidane po merr gjithnjë e më shumë forcë në mjedisin e gjigantëve të Ligue 1, ku paratë “vërshojnë lumë”…
Real Madrid do të kthehet në fushë të shtunën në mbrëmje për javën e 23-të të kampionatit spanjoll dhe do të presë Real Sociedad në “Bernabeu”, dy ku do të përballet me PSG-në të mërkurën e ardhshme në 1/8-at e Champions League. “Los Blancos” janë në vendin e katërt në renditjen e La Liga-s vetëm dy pikë larg Villarreal, por ka shumë mundësi që trajneri Zidane t’i lërë pushim disa nga lojtarët kryesorë në prag të një takimi të rëndësishëm, siç është ai me PSG-në.
Real Sociedad, nga ana tjetër, mban vendin e 14-të dhe do të kërkojë t’i japë fund ecurisë prej gjashtë ndeshjes pa fitore larg shtëpisë. Baskët kanë shkatërruar 5-0 Deportivo la Coruna-n në javën e fundit dhe kanë lehtësuar pozitën e trajnerin Eusebio Sacristan. Megjithatë, kanë kaluar 14 vite që nga hera e fundit që Sociedad ka mundur Real Madrid në “Bernabeu” (maj 2004). Për më tepër, ata kanë arritur të fitojnë vetëm 3 nga 70 vizitat e bëra në “Bernabeu”, në La Liga (3 fitore, 16 barazim, 51 humbje).
Ndërkohë, Real Madrid ka fituar tetë ndeshjet e fundit të kampionatit që ka luajtur në shtëpi kundër Real Sociedad me rezultatin e përgjithshmë 30 me tetë. Sociedad është skuadra që ka pësuar më shumë gola (40) në 22 javët e para të kampionatit spanjoll që nga sezonin 2005/06. Ndërsa Real është i vetmi ekip, bashkë me Athletic Bilbao, që nuk ka fituar asnjë ndeshje të këtij kampionati pasi e ka mbyllur pjesën e parë në barazim.
