Ish-Kryeministri Sali Berisha ka denoncuar vjedhjen që kryen qeveria me listën e ilaçeve të rimbursuara, ku vjedh çdo vit 10 milionë euro nga ilaçet. Berisha ka publikuar mesazhin e një qytetari në rrjetin e tij social, i cili thotë se qeveria ka dy vite që nuk publikon listën e ilaçeve të rimbushura dhe vjedh çdo vit nga 10 milionë euro. “10 milionë euro janë gllabëruar dhe po gllabërohen aktualisht nga mungesa e saj dhe nga favorizimi i monopoleve të Edi Ramës, duke ju mbushur xhepat këtyre klientëve të tij”, thotë ndër të tjera qytetari në mesazhin e tij.
Në postimin e tij, Berisha shkruan:“Qeveria nuk publikon listën e ilaçeve të rimbursuara dhe vjedh çdo vit 10 milionë euro në vit nga ilaçet!
Lexoni mesazhin e qytetarit dixhital. Sb
“Me shpresën se do të publikoni skandalin e radhës të kësaj qeverie skandaloze, pasi të tjerët ja kanë futur një gjumi të thellë dimëror kam besim se do ta publikoni këtë si më poshtë. Në kohën tuaj, por edhe në qeveritë e tjera çdo vit është publikuar lista e rimbursimit për pacientët, e cila siç e dini ka dy të mira: 1- I kursen buxhetit të shtetit çdo vit mbi 10 mil euro dhe: 2- Bën të mundur nga ky kursim të futen ilaçe të reja, të cilat janë mungesë për pacientin shqiptar.
Por, çfarë ka ndodhur në të vërtetë: Lista ka dy vite pa u publikuar fare që do të thotë se këto 10 milionë euro janë gllabëruar dhe po gllabërohen aktualisht nga mungesa e saj dhe nga favorizimi i monopoleve të Edi Ramës, duke ju mbushur xhepat këtyre klientëve të tij dhe duke e lënë pacientin shqiptar në mëshirën e fatit. Ky më duket se për të ardhur në pushtet premtoi mjekësinë falas, duke i rrjepur pacientët nëpër spitale private dhe duke e zhvatur buxhetin e taksapaguesve shqiptarë dhe duke e ndarë atë me monopolet që po e grijnë këtë vend. Listën e Rimbursimit për vitin 2017 mund ta verifikoni lehtësisht që nuk e kanë vënë në zbatim, por njëkohësisht edhe për vitin 2018 më duket se e kanë rezervuar për monopolet e tyre. Respekte me besimin te zëri i së vërtetës”, shprehet Berisha.
