Adrien Rabiot nuk e sheh veten larg Paris Saint-Germain, të paktën për momentin. Mesfushori në një intervistë të dhënë deklaroi se është i përqendruar te paraqitjet e tij me kampionët e Francës dhe se dëshiron të bëjë sa më mirë për parisienët. Megjithtë në rast se në drejtim të tij vijnë oferta të rëndësishme, Rabiot i ka kërkuar klubit t’i marrë në konsideratë. Në fund 21-vjeçari zbuloi se pak kohë më parë kërkohej nga 7 klube të ndryshme dhe se ishte pranë transferimit te Napoli.
