Mijëra qytetarë të Shkodrës janë hedhur në protestë kundër vizitës së kryeministrit Rama të paralajmëruar një ditë më parë. Qytetarët dëgjohen duke thirrur “poshtë Edi Rama”. Protestës i janë bashkuar dhe përfaqësues të biznesit të vogël, të cilët janë shprehur kundër vendosjes së TVSH-së.
Vizita e Ramës ishte parashikuar të nisë nga ora 10:00 e ditës së sotme. Paraprakisht flitet se Rama mund ta anulojë vizitën për shkak të revoltës popullore ndaj tij
Axhenda e kryeministrit parashikonte
Ora 09:00 nisja nga Tirana.
Ora 10:30 Inaugurimi i Qendrës Multifunksionale/ MFE.
Ora 11:00 Çelja e Panairit te pare Rajonal te Punës për Shqipërinë (vendi: Shkolla Industriale)
Ora 12:00 Panel me bizneset e vogla për te diskutuar për TVSH-në.
Ora 13:00 Dreke me bizneset e vogla ne Shkodër.
Ora 14:30 dëgjesa me minoritetin serb dhe malazez.
Shkodranët ekspozojnë patatet dhe vezët që kanë bërë gati për Ramën
Një i ri shkodran ka dalë sot të presë kryeministrin Edi Rama, i cili pritej të vizitonte një shkollë profesionale. I riu ka treguar para medias thasët me patate dhe kovën e mbushur me vezë si mjete sulmi kundër kryeministrit, i cili as nuk i përfilli gjatë javëve të vështira të përmbytjes.
Të rinjtë shkodranë janë bërë bashkë për të pritur kryeministrin me vezë e patate.
Por, siç duket kryeministri është trembur dhe ka anuluar vizitën e sotme.
Deputeti demokrat Bardh Spahia i është bashkuar të rinjve, të cilët të gjithë bashkë i kanë përcjellë një mesazh kryeministrit.
“Me të rnjtë e të rejat e Shkodërs të cilët tremben kryeministrin. I bëjmë thirrje të vijë të përballet me qytetarët dhe të mos trembet”, shprehet ndër të tjera Spahia.
Shkodra pergatitet te prese kryeministrin Edvin Rama.
Gepostet von Bardh Spahia am Samstag, 14. April 2018
