Kryeministri Edi Rama pasditen e sotme vizitoi të moshuarin e paralizuar Sefer Poçi në Farkë, i cili mbeti në qiell të hapur pas tërmetit të 26 nëntorit.
Rama e takoi të moshuarin në banesën e re ku është strehuar pas tërmetit.
I biri u kujdes që të sqaronte shefin e qeverisë se i ati nuk e ka shumë të qartë shikimin. Por kryeministri tha se Poçi sheh më mirë sesa ata me shikimin normal, pasi nuk ka deficite në mendje dhe zemër.
Djali: Baba nuk sheh mirë
Edi Rama: Vallahi ai sheh edhe më mirë se ne që shohim, na ngatërrohet kjo që shohim. Kujtojmë se i shohim të gjitha. Baba nuk sheh pastër, por për të parë sheh më mirë se ne.
Sefer Poçi: 10% më kanë ngelur sytë, 10% më kanë ngelur stomaku, 10% dhëmbët, 10% këmbët
Edi Rama: Mendja dhe zemra 150%. Se ne mund ti kemi 100% këto të tjerat, por kemi deficit tek këto të dyja.
Sefer Poçi: A e shihni çfarë kryetar qeverie na ka pru Zoti neve, pash Zotin a e sheh? (qesh)
Pas mbarimit takimit Rama ju drejtua djalit të Seferit duke i thënë: “Të ishte ky në qeveri do na kishte hedhur 20 herë. Ishte kompjuter në tru.”
