Zëdhënësja për shtyp e PD, Mirela Karabina, ishte e ftuar në “Euronews Albania” me gazetarin Thimi Samarxhi, ku foli mbi zhvillimet politike dhe Partinë Demokratike.
“Marrëveshja Partia Socialiste-Rithemelim është pazar në kurriz të qytetarëve.” – u shpreh Karabina.
Përsa i përket përshëndetjes nga ndërkombëtarët, ajo tha se ata përshëndetën kthimin në normalitet të institucionit, pasi janë institucionalë.
“Pazari PS-Rithemelim është tregues i shkëputjes së politikës nga qytetarët dhe veprime të kushtëzuara nga hetimet në SPAK, gjithashtu është përpjekje me çdo çmim për të ruajtur status quo-në.” – vijoi më tej zëdhënësja e PD.
“Reforma zgjedhore mbetet prioritet i Partisë Demokratike.
Ndërsa pazari PS dhe Rithemelim kërkojnë pengimin e realizimit të propozimeve të PD, të cilat kanë gjetur mbështetje dhe nga aktorë të tjerë politikë dhe jo vetëm, pasi PS-Rithemelim janë: jo për lista të hapura, jo për barazi vote në një zonë zgjedhore, jo për votë të diasporës dhe jo për votim elektronik. Partia Demokratike është e qartë dhe e vendosur me agjendën e saj në shërbim të qytetarëve.
Me ekipin e saj të pastër dhe me reputacion të mirë, me program ambicioz dhe sy më sy te qytetarët dhe për qytetarët, ajo do të jetë alternativa më e mirë që do iu ofrohet shumë shpejt shqiptarëve.” – u shpreh Mirela Karabina.
