Fitorja e PSG-së ndaj Celtic Glasgow ishte për rekord, si individualisht, për tre protagonistët e saj: Mbappe, Neymar dhe Cavani, edhe kolektivisht. Me fitoren në Paris kundër skocezëve, PSG-ja ka shënuar 24 gola në pesë ndeshjet e fazës në grupe. Në mungesë edhe të një ndeshjeje të këtij raundi në Champions, më mirë ka qenë vetëm Borussia Dortmund, sezonin e kaluar, që realizoi më shumë gola në historinë e fazës në grupe. Rekordi më i mirë deri në këtë sezon, në Ligën e Kampionëve, në fazën e grupeve, ishte 25 pikë në 10 ndeshje (2013-2014). Goleada e PSG-së kishte pikë referimi tre yjet e saj të mëdha, të cilët ishin autorë të katër golave. Neymar u kthye në takimin e tij me gol në Ligën e Kampionëve dhe tashmë ka pesë ndeshje radhazi që e bën këtë.
Sulmuesi brazilian i PSG-së ka sfiduar në këtë mënyrë Cristiano Ronaldon. Të dy janë një gol larg nga të bërit lojtari i parë që të shënon gol në gjashtë ndeshje të fazës së grupeve të Champions-it. Neymar është në rrugën e tij për sezonin më të mirë në Ligën e Kampionëve. Që nga momenti kur braziliani erdhi në Europë, sezoni 2013-2014, nuk kishte nënshkruar një fillim rezultativ aq të ndritshëm. Sezonin e parë nuk arriti të shënonte në pesë ndeshjet e para, një vit më vonë ishte sezoni i tij i golave në Ligën e Kampionëve, me 10 pikë pas pesë ndeshjesh. Cavani, një nga golashënuesit e spikatur të parizienëve, shënoi golin e tij të 150-të me fanellën e PSG-së.
Uruguajani është tashmë vetëm gjashtë gola larg nga Ibrahimoviç, me 156 gola, golashënuesi më i mirë në historinë e klubit gjigant të Ligue 1. Është hera e katërt që përbërësit e “tridentit” të formuar nga Mbappé, Neymar dhe Cavani shënojnë në të njëjtën ndeshje. Kjo ka ndodhur dy herë në Ligue 1 dhe dy herë në Ligën e Kampionëve. Të gjitha ndeshjet kanë përfunduar me “dajak” (PSG – Bordeaux 6 -2; Celtic – PSG 0-5; Anderlecht – PSG 0-4; Metz – PSG 1-5).
PSG ka pasur një natë tjetër të jashtëzakonshme në Ligën e Kampionëve, pas fitores prej 7:1 ndaj Celticut.
Me këtë fitore PSG ka hyrë në histori të kësaj gare, duke u bërë skuadra që ka shënuar më shumë gola në fazën e grupeve 24, kur ka edhe një ndeshje për të zhvilluar.
Në vendin e dytë renditet Dortmundi i sezonit të kaluar me 21 gola, i ndjekur nga Manchester United (1998/99), Barcelona (2011/12), Real Madrid (2013/14) dhe Barcelona (2016/17) me nga 20 gola.
