Studentët vijojnë të protestojnë para Ministrisë së Arsimit ndërkohë që kanë hedhur gurë dhe tymuese përpara godinës.
Gjithashtu studentët kanë publikuar edhe listën me 14 kërkesat e tyre, një pjesë e të cilave ngjasojnë me ato të muajit Dhjetor, kur nisën dhe protestat masive studentore, që lëkundën jo pak pozitate qeverisë.
Ndërkohë që edhe pse më pak në numër krahasuar me tubimet e tyre të mëparshme, studentët gjatë kësaj proteste kanë treguar më shumë vendosmëri dhe agresivitet. Siç raportohet, ata kanë goditur drejt godinës së Ministrisë edhe me gurë duke thyer edhe xhamat e dritareve.
