Lajme pozitive nga infermieria e Interit në prag të ndeshjes së sotme në Holandë kundër Fejenordit, edhe pse trajneri Simone Inzagi vazhdon që të jetë në pikëpyetje për formacionin titullar që do të zbresë në fushën e lojës.
Lajmi i mirë është rikthimi i Hakan Çalhanoglusë me pjesën tjetër të skuadrës dhe kërkon një fanellë titullari në këtë ndeshje. Megjithatë nuk është çudi që në momentet e fundit Inzagi të preferojë Kristjan Asllanin.
Mesfushori shqiptar është stërvitur mirë dhe ka dhënë sinjale pozitive. Po ashtu edhe Zielinski mund të jetë një alternativë përpara mbrojtjes. Lajmi tjetër i mirë është rikthimi i portierit Jan Zomer.
Zvicerani ka punuar me një protezë mbrojtëse në gisht dhe kjo gjë e ka ndihmuar për të qenë gati. Ai është futur në listën e lojtarëve të grumbulluar dhe ndoshta mund të luajë si titullar. Edhe Martinez ka bërë mirë në portë, por eksperienca e zviceranit dhe loja e tij me këmbë mund të jenë një armë shtesë për të qenë nga minuta e parë.
Duket se Inzagi e ka vendosur skemën me të cilën do të luajë dhe është 3-5-2, ku në krahun e majtë do të rreshtohet Bastoni. Kjo sjell aktivizimin e De Vrajit në qendër dhe Açerbin më të spostuar majtas. Edhe Bisek mund të marrë një fanellë titullari. Pjesa tjetër do të përbëhet nga Mkitarian, Barela, Dumfris. Dilema ka edhe në sulm ku Markus Turam nuk është në 100% të formës dhe mund të luajë Taremi. Lautaro është i paprekshëm.
