Nga Gjergj Erebara
97 nga 140 deputetë u emëruan nga kryetari.
41 dolën nga gara ku i kishte caktuar kryetari.
1 u zgjodh me votim brenda partisë së vet.
1 u zgjodh si kandidati më i suksesshëm i listës së hapur.
Krimi i organizuar rezultoi forma më e suksesshme e të bërit fushatë, pasuar nga drejtorllëku në shtet.
Në Shqipëri ka 185 mijë të punësuar në sektorin publik të cilët, sipas raportit të vëzhguesve u vunë nën presion për të votuar PS.
Aktualisht tre eksponentë të njohur të krimit të organizuar janë në arrati, njëri i akuzuar se ka bërë korrupsion elektoral, d.m.th., ka siguruar vota për një politikan.
Risia e zgjedhjeve duket se është përzgjedhja e kandidateve nga krimi i organizuar si një fasadë e vlefshme maskuese.
