Këtë mëngjes ka filluar aventura e Cristiano Ronaldos e Juventusi. Ai mbërriti dje pasdite, në orën 17:30 në Torino me një fluturim privat.
Sapo ka vënë këmbë në aeroportin e Caselle, asi portugez i ka trazuar të gjithë. Tifozët nxituan nëpër qytet, në kërkim të hotelit ku do të vendosej CR7, por pa dobi, sepse ish-sulmuesi i Real Madridit u akomodua në parkun “La Mandria”, një vend shumë afër familjes “Agnelli”.
Në mbrëmje ai u pa në restorantin “Royal Park I Roveri”, në shoqërinë e Georgina Rodriguez, Fabio Guild dhe Matteo Fabris. Më herët aty kishin qenë edhe Andrea Agnelli e Giuseppe Marotta, të gatshëm për të mirëpritur në mënyrën më të mirë kampionin e tyre të ri. Por dita e vërtetë e parë e punës në Torino për Cristiano Ronaldon do të jetë e sotmja.
Pesë herë fituesi i “Topit të Artë” do të bëjë vizita mjekësore në “J Medical” në mëngjes, ndoshta mes orës 9:30 dhe 11:00. Pritet që turma njerëzish të mblidhen jashtë, duke dashur për ta parë, ose ndoshta, për ata me fat, për të bërë një foto dhe marrë një autograf. Ndoshta atëherë, CR7 hyn në terrenin e trajnimit për të përshëndetur shokët e tij të rinj të ekipit.
Rituali i nënshkrimit të kontratës me Andrea Agnelli do të bëhet përpara transferimit në stadiumin “Allianz” për prezantim, në dhomën kushtuar Gianni dhe Umberto Agnelli Kjo gjë është planifikuar për në orën 18:30.
Ky prezantim do të jetë një rekord absolut për klubin e Juventusit: pritet të jenë rreth 200 gazetarë dhe 30 televizione, si dhe shumë kërkesa për akreditim nga Azia. Me një vizitë të mundshme në Muzeun e Juventusit, dita e Torinos së Ronaldos do të përfundojë në mbrëmje, kur do të largohet përsëri, për të vazhduar pushimet. Rikthimi në gusht, për turneun amerikan, ose ndoshta më vonë. Kjo ende mbetet një mister.
Në mëngjesin e ditë së hënë Ronaldo i është drejtuar qendrës mjekësore të Juventusit, JMedical për të bërë testet mjekësore.
Cristiano nuk ka hezituar të takohet edhe me tifozët, ku disa nga ata kishin fatin të bënin fotografi dhe të fitonin autograf nga CR7.
Pasdite pritet të ndodh edhe prezantimi i tij si lojtar i Juventusit.
Ardhja e Ronaldos do të thotë shumë për Zonjën e Vjetër, si në shtimin e provojë, ashtu edhe ne aspektin e marketingut.
CR7 në të kaluarën ishte pjesë edhe e Manchester Unitedit dhe Sporting Lisbonës.
