Pas kualifikimit për në gjysmëfinalet e Kampionatit Europian, Kristiano Ronaldo ka dhënë një deklaratë, e cila ka çuditur gazetarët e pranishëm. Ai tha se arritjen në gjysmëfinale ia dedikon kombëtares shqiptare, e cila në fazën eliminatore i mundi 1-0 në Portugali, falë golit të Bekim Balajt në minutat e fundit të ndeshjes.
Ronaldo theksoi se po të mos kishte qenë ajo humbje Portugalia nuk do të kishte arritur deri këtu. Sipas tij humbja me Shqipërinë bëri që portugezët të largonin trajnerin Pinto dhe emëroi në këtë post trajnerin Santos. “Jemi këtu falë shqiptarëve që na mundën në Portugali. Kjo na bëri që ne të hiqnim trajnerin tonë dhe pastaj morëm të ri. Ishte vendosja e trajnerit që kemi, që na solli këto rezultate. Faleminderit pra, shqiptarëve, se po të kishim mbajtur trajnerin që kishim, s’do të ishim këtu”, e mbylli deklaratën Ronaldo, i cili u largua me të shpejtë nga konferenca.
