Giuseppe Rossi është shumë pranë rikthimit në Serinë A, këtë herë për të veshur fanellën e Genoas. Sulmuesi italian njoftoi akordin paraprak të hënën e kësaj jave, teksa shkruante në rrjetet sociale se destinacioni i tij i ardhshëm, ishte Seria A. Sot Rossi ka kryer vizitat mjekësore te klubi i Genoas, të cilat i ka kaluar me sukses dhe pritet të zyrtarizohet si afrimi më i ri i kuqebluve. Ai do të vihet menjëherë në dispozicion të Ballardinit dhe mund të aktivizohet sapo të zyrtarizohet, sepse vjen në Xhenova si lojtar i lirë dhe nuk i duhet të presë hapjen e merkatos. Giuseppe Rossi i mungon fushave të lojës që nga 03 prilli i këtij viti, kur u dëmtua në sfidën Celta Vigo-Eibar.
