Lidhja Demokratike e Kosovës (LDK) mban sot konferencën ndërkombëtare, “Rugova dhe Perëndimi” me rastin e 25-vjetorit të çlirimit të Kosovës.
Pjesë e kësaj konference ishte dhe ambasadori i SHBA-së në Kosovë, Jeffrey Hovenier, i cili u shpreh se ish-presidenti Rugova ishte inspirim për të dhe se ende gurin e çmuar që mori si dhuratë nga presidenti historik.
“Edhe në ditën time të fundit si ambasador në Kosovë do të vendos lule te shtatorja e presidentit Rugova, si shenjë respekti për të, për mënyrën sesi ai i ka bërë gjërat. Dhe sot kur ulem dhe i pres mysafirët e mi në Ambasadë, e kam të vendosur mbi tavolinë gurin e çmuar (kristalin), i dhuruar nga presidenti Rugova”, u shpreh ambasadori amerikan.
