Një sulm me raketa ruse në qytetin qendror të Ukrainës, Kryvyi Rih, ka vrarë të paktën 16 persona dhe ka lënë dhjetëra të tjerë të plagosur, sipas kreut rajonal Serhii Lysak, raporton BBC.
Gjashtë nga të vdekurit ishin fëmijë, tha presidenti Volodymyr Zelensky.
Pamjet nga vendi i ngjarjes treguan të paktën një viktimë të shtrirë në një shesh lojërash të rrethuar nga policia. Kreu i administratës së mbrojtjes së qytetit, Oleksandr Vilkul, tha se një raketë balistike kishte rënë në qendër të një zone të banuar.
Një video tregoi një pjesë të madhe të një blloku banesash 10-katëshe të shkatërruar nga sulmi dhe viktimat e shtrira në rrugë.
Sulmi i të premtes mbrëma ishte ndër më vdekjeprurësit në Kryvyi Rih që nga fillimi i pushtimit të Rusisë në vitin 2022, dhe vjen ndërsa Presidenti i SHBA Donald Trump po përpiqet për një armëpushim.
Zelensky shkroi në mediat sociale se të paktën pesë ndërtesa ishin dëmtuar në: “Ka vetëm një arsye pse kjo vazhdon: Rusia nuk dëshiron një armëpushim dhe ne e shohim atë.”
