Ylli i Liverpool Mohamed Salah ka zbuluar se ish-trajneri i tij e ka përgëzuar kur janë takuar gjatë sezonit.
Salah ka shijuar një sezon debutues të mrekullueshëm te Liverpool duke e mbyllur në krye të golashënuesve me 32 gola, ndërsa ai ka shënuar 44 gola në të gjitha kompeticionet.
Mourinho nuk i ka dhënë shumë mundësi për të impresionuar te Chelsea, por trajneri portugez, tashmë tek United, kishte vetëm fjalë të mira për të thënë për ish-lojtarin e tij.
Salah shprehet për Egypt Today: “E kam takuar dy herë – në ndeshjen tonë këtu në Anfield ndaj United dhe në Old Trafford.
“Ai më ka thënë se është shumë i lumtur për mua. Kështu që unë e falënderova. Nuk folëm shumë, thjesht u përshëndetëm”.
Salah iu bashkua Chelsea-t nga Basel në 2014 por luajti vetëm 13 paraqitje përpara se të huazohej te Fiorentina dhe të shitej te Roma.
