Nga Flutura Açka
Ndërkohë Diaspora tuj mbledh ullinj…
…bërë def nga mashtrimet e pafundme qeveritare.
Edhe emrin Diasporë e hoqi nga emërtimi i ministrisë së përjashtme dhe e nxorri edhe më përjashta Diasporën.
Pa folur pastaj për një bonus fëmijësh që ia shkrafanjiti nga trupi.
Pa folur pastaj për shtesat e pensioneve dhe kompensinet e qindra mijëra pensionistëve që jetojnë te fëmijët jashtë që ia kanë vjedhin hapur me vite e vite.
Shkujdesja ndaj Diasporës është turpi ynë.
As kinse titujt që iu grabitën Presidentit me një ligj të paturpshëm, as falsiteti për ta joshur me ligjin e Investitorëve Strategjikë, i cili u kthye në ligj në shërbim të shpurës së tij, nuk e mbulojnë të vërtetën.
Vetëm Diaspora mund ta shpëtojë këtë vend, por për ta bërë këtë nuk duhet të flirtojë me “Këtë”.
Sepse:
“Ky” shkatërroi bregun.
“Ky” shiti Butrintin.
“Ky” për pak na ktheu në landfill të Europës.
“Ky” shembi Teatrin Kombëtar.
“Ky” i ktheu të gjitha fushat e sportit në pallate.
“Ky” abuzoi me paratë e Europës.
“Ky” ua hoqi shenjat shqiptare kishave tona dhe u dha shenja greke me kinse restaurimin.
“Ky” na armiqësoi me politikën e Kosovës.
Shkurt, e ktheu Shqipërinë në provincë të vet e miqve të vet dhe ju shporri: plot 1 milion në 10 vjet.
Dënojeni me ekzistencën tuaj shqiptare!
