Senati amerikan ka miratuar një paketë ndihme prej 95 miliardë dollarësh që përfshin mbështetje ushtarake për Ukrainën, Izraelin dhe Tajvanin.
Presidenti Joe Biden pritet të nënshkruajë legjislacionin në ligj të mërkurën. Senati mbështeti mbërmjen e së martës masën e miratuar nga Dhoma e Përfaqësuesve e SHBA të shtunën.
Paketa përfshin 61 miliardë dollarë ndihmë ushtarake për Ukrainën, të cilat Pentagoni thotë se mund të fillojnë t’i dërgohen vendit të shkatërruar nga lufta “brenda disa ditësh”.
Ai kaloi me një votim dypartiak me 79-18. Biden përshëndeti miratimin e paktës së ndihmës në një deklaratë duke e quajtur atë “legjislacion kritik që do ta bëjë kombin dhe botën tonë më të sigurt, pasi ne mbështesim miqtë tanë që po mbrojnë veten kundër terroristëve si Hamasi dhe tiranëve si Putin”.
Udhëheqësi i shumicës demokratike në Senat, Chuck Schumer tha: “Pas më shumë se gjashtë muajsh punë të palodhur dhe shumë kthesash në rrugë, Amerika i dërgon një mesazh mbarë botës: ne nuk do t’jua kthejmë shpinën.”
Senati kishte miratuar një paketë të ngjashme ndihme në shkurt, por një grup konservatorësh që kundërshtojnë mbështetjen e re të Ukrainës e kishin penguar atë të vinte në një votim në Dhomën e Përfaqësuesve.
Javën e kaluar, demokratët dhe republikanët në dhomën e ulët u bashkuan. Ata ranë dakord përfundimisht për një paketë projekt-ligj që përfshinte ndihmën e huaj si dhe legjislacionin për konfiskimin e aseteve ruse të mbajtura nga bankat perëndimore; sanksione të reja ndaj Rusisë, Iranit dhe Kinës; dhe një dispozitë që do të detyrojë kompaninë kineze ByteDance të shesë shërbimin e njohur të mediave sociale TikTok.
