‘Shqarthi’ i interesave korruptive në Kuvend, Eduart Shalsi dhe ish kryetarja e Kuvendit, Lindita Nikolla, dyshohet se janë përfshirë në manipulimin e vendimit dhe mashtrimin e deputetëve për emërimin e Merita Gurabardhit si anëtare e bordit të AMF.
Merita Gurabardhi, prestanome Tek kompania e mikrokredisë AFI (Albanian Financial Institucion shpk) dhe biznes panelesh diellore (EB Energy), duhet të zëvendësonte në AMF, ‘kunadhen’ Ervin Mete, ish drejtor AMF.
Metes i mbaronte mandati në 2025, por Rama e emëroi ministër Financash në shtator të vitit 2023, lëvizje që solli edhe ndërprerjen e mandatit.
Gurabardhi ishte shefe kabineti e “kunadhes” së financave Ervin Mete. Njihet si “luledelja” e tij, që në kohën kur Mete u bë Drejtor i Përgjithshëm i AMF, duke ngjitur shkallët e pozicionimit të saj brenda këtij institucioni.
Në këto rrethana, Mete, pasi ishte sinjalizuar për shkarkimin nga Rama, nxitoi duke propozuar “luledelen” për anëtare e bordit të AMF, në koordinim me ‘shqarthin’ Eduart Shalsi.
Vendimi i përgatitur për emërimin e Merita Gurabardhit parashikonte emërimin e saj vetëm për pjesën e mandatit të mbetur që kishte lënë Ervin Mete.
Deputetëve u është paraqitur për miratim një vendim tjetër, me një ndryshim të rëndësushëm, ku parashikohej që Merita Gurabardhi të emërohej anëtare e bordit të AMF me mandat të plotë 5-vjeçar dhe mandje duke përfshirë edhe pozicionin e nëndrejtorit të AMF.
Manipulimi dyshohet se është bërë nga Eduart Shalsi, i dyshuar si ‘skifter’ në Greqi dhe Lindita Nikolla. Shalsi ka paraqitur një raport në Kuvend si kryetar i Komisionit të Ekonomisë.
Partia Demokratike duket se nuk e konstatoi këtë marifet. PD-ja kërkoi vetëm që AMF të ndahej me të, pra pazar për të propozuar ajo anëtarin e bordit.
Gazment Bardhi i PD tha se “Ka një problem në këtë votim, me emrat, përse kjo mungesë balance për këtë organ të pavarur? Ka qënë gjithmonë me ekuilibër zgjedhja e anëtarëve të bordit të drejtorit dhe nëndrejtorit ekzekutiv të AMF, midis pozitës dhe opozitës”.
“Shqarthi” Shalsi, nxitoi të sqarojë Bardhin duke justifikuar “Zgjedhja e të dyve është bërë konform kërkesave të ligjit për Autoritetin e Mbikëqyrjes Financiare. Anëtari i Bordit, që zgjidhet edhe nëndrejtori ekzekutiv, emërohet nga Kuvendi me propozimin e Ministrit të Financave, ndërsa tjetri me propozim të Bankës së Shqipërisë.”
Gurabardhi, lidhje me mikrokreditë
Me një karrierë modeste në sistemin bankar bashkë me motrën Arta Gurabardhi, u vendosën si prestanome tek kompania e mikrokredisë AFI (Albanian Financial Institucion shpk) që ka marrë licensën nga Guvernatori Sejko në Maj 2016.
AFI është një tjetër piramidë mashtrimi në fushën e mikrokredisë. Me transanksione e fije mafioze të shtrira deri në Angli e Portugali, kompania e mikrokredisë AFI është përzierë në pastrim parash në fonde investimesh duke blerë e shitur kredi shumëmilionëshe nëpër banka.
Motrat Gurabardhi kanë ndihmuar në këto operacione të AFI, derisa largohen para disa vitesh duke shitur kuotat e tyre.
Në tetor të vitit 2023, Merita Gurabardhi ia kaloi aksionet e kompanisë bashkëshortit të saj Ervin Xhomo, i cili punon te Abi Bank i Andi Balltas, lavatriçja më e madhe e pastrimit të parave në Shqipëri./Prapaskena
