Pas pazarit për amnistinë, PS dhe deputetët e dalë me vota opozitare, u përpoqën me javë të tëra të fshihnin përmes mjegullnajës përpjekjet e tyre për të goditur SPAK-un.
Ditën e sotme, i rrethuar nga individë në konflikt interesi, sepse janë nën hetim nga SPAK, kreu i institucionit dëshmoi atë që kishte paralajmëruar PD e Bashës prej muajsh, se amnistita do të linte në burg ata që protestuan kundër korrupsionit të qeverisë dhe do të lironte të korruptuarit.
Kjo ishte prova gjenerale për atë që do të ndiqte pazarin e amnistisë, e cila vijoi me sabotimin e Reformës Zgjedhore, duke dështuar qëllimisht listat e hapura dhe votën e diasporës, dhe do të konkretizohet me komisionin kundër SPAK-ut, nga i cili fshihen si djalli temjanit.
Halli i përbashkët i Ramës dhe i Berishës po e çon Kuvendin e Shqipërisë në një përplasje frontale me interesat e qytetarëve, që presin drejtësi dhe një reformë të vërtetë zgjedhore.
Sot është e qartë se kush ka frikë nga drejtësia e kush jo. Se kush do lista të hapura e kush jo. Se kush do votën e emigrantëve e kush jo. Se kush kërkon ta mbaj vendin në këtë moçal korrupsioni dhe varfërie dhe kush kërkon një rrugë të re që siguron mirëqenie dhe mirëqeverisje.
PD e drejtuar nga Lulzim Basha dhe grupi i deputetëve që i qëndruan kanë qenë zëri i qytetarëve për listat e hapura dhe votën e diasporës, kanë qenë në krah të SPAK-ut për t’i dhënë fund pandëshkueshmërisë dhe do vijojnë të bëjnë gjithçka që pazari i së vjetrës të mos pengojë të ardhmen e Shqipërisë.
