Të tilla shifra mund të diskutohen te Real Madridi. 400 milionë euro është investimi për të siguruar nënshkrimin e Neymar, verën e ardhshme. Siç është raportuar të premten nga gazeta “Marca”, inkorporimi i yllit brazilian konsiderohet thelbësor, si në aspektin sportiv, edhe atë ekonomik, dhe absolutisht përbën prioritet në strategjinë e klubit madrilen për merkaton e verës, që do të hapet më 1 korrik. Sipas kësaj gazete pranë “Los Blancos”, që e quajti informacionin si një “bombë”, bisedimet duhet të kalojnë përmes PSG-së, një klub me të cilin Real Madridi do të vepronte me “respekt të plotë dhe absolut”, duke e ditur se braziliani është një “nënshkrim i komplikuar”.
Vendimi i Neymar për të ndërruar gjigantët e La Liga-s, Barcelonën, për PSG-në ishte një hap prapa, sipas legjendës së Brazilit, Ronaldo. “Vetullat u ngritën” kur Neymar e la Lionel Messin dhe Barçën në verën e kaluar për një marrëveshje rekord botëror, pasi PSG-ja aktivizoi pothuajse 222 milionë euro për blerjen e tij në gusht 2017. Neymar luajti për PSG-në, duke shënuar 20 gola në të gjitha garat, 11 prej tyre në Ligue 1, por në një intervistë me ish-ndërkombëtarin e Brazilit, Zico, nëpërmjet YouTube, ish-sulmuesi i Barcelonës, Ronaldo, tha:
“Sportivisht, vendimi është një hap prapa. Por, ka sfida që i kërkojnë të gjithë. Kam luajtur në Barcelonë në atë kohë dhe shkova tek Interi, kur kampionati italian ishte shumë më konkurrues”.
Neymar ishte në “shënjestër” të mërkurën, pasi PSG mundi Amiens 2-0 për të arritur gjysmëfinalen e “Coupe de la Ligue”. PSG është përsëri në veprim kundër Nantes së Claudio Ranierit në Ligue 1, të dielën.
