Deputeti i zgjedhur i PD ka reaguar pas shkarkimit të kreut të policisë së Shkodrës, Niko Brahimaj. Bushati shkruan në një postim në Facebook se, shkarkimi i vonuar i Nikos është treguesi se Edi Rama po ndërron hajdutët e vjetër me hajdutë të rinj dhe është prova e kalbëzimit të kësaj qeverie nga krimi.
Postimi i plotë
Inspiruesi i krimit nuk e ka seriozisht. Shkarkimi i vonuar i Niko Brahimaj duhej bërë më kohë.
Duhej shkarkuar përpara së ta kthente Shkodrën në hartën e hashashit, përpara se viktimat të numëroheshin rrugëve dhe kohë më parë se krimi të merrte në dorë fatet e qytetit. Por jo, detyra e fundit e Nikos ishte siguria që do të jepte për masakrën zgjedhore. Dhe që e kreu me sukses. I kujtoj sot Nikos, se ka një padi posaçërisht për të dhe emisarët e tij në SPAK.
Shkarkimi i vonuar i Nikos është treguesi se Edi Rama po ndërron hajdutët e vjetër me hajdutë të rinj dhe është prova e kalbëzimit të kësaj qeverie nga krimi.
