Manchester City ka mposhtur lehtësisht West Ham 0-4 në takimin e vlefshëm për javën e 23 të “Premier Ligës”. Në ndeshjen e luajtur ditën e djeshme ka spikatur blerja më e re e City-t, Gabriel Jesus, i cili la në stol Sergio Aguerron, sulmuesin më në zë të “qytetarëve”.
Braziliani 19-vjeçar pavarësisht golit të shënuar arriti të jepte edhe asisit. Në përfundim të takimit, Pep Guardiola dha një intervistë për “BBC Sport”, duke rezervuar fjalët të mira për djaloshin e talentuar. Ajo ç’ka ra bëri më shumë përshtypje në deklaratën e tij ishte se spanjolli e krahasoi Jesus me një shalqi. “Ai (Gabriel) është si shalqi. Duhet t’a hapësh dhe pastaj e sheh se a është i mirë apo jo”. Nga krahasimi i Guardiolës u la të kuptohet se Jesus, të paktën në ndeshjen kundër West Ham ka rezultuar një shalqi i pjekur.
