Talenti shqiptar, Anis Mehmeti, regjistroi një paraqitje mbresëlënëse në Championship-in anglez, teksa shkëlqeu me dopietë golash dhe asist në triumfin 4-0 që skuadra e Bristol Sitit regjistroi në ndeshjen e kampionatit ndaj Plymuthit.
Mehmeti u vlerësua nga faqja e specializuar e statistikave “Sofa Score” me notën 9.8, teksa në total regjistroi 8 goditje, 6 prej të cilave shkuan në kuadrat.
Talenti shqiptar gjithashtu regjistroi edhe 3 pasime kyçe, 3 duele të fituara dhe 2 driblime të sakta. Një paraqitje kjo që duket se Anis Mehmeti do ta mbajë mend gjatë në karrierën e tij.
