Nëse dikush shmang të hajë mëngjes të paktën 4 herë në javë, rreziku i prekjes nga diabeti, rritet në 55%, krahasuar me ata që hanë gjithmonë në mëngjes.
Është cilësuar si vakti më i rëndësishëm i ditës. Dhe sipas gjetjeve të reja të hulumtimit, mungesa e tij rrit rrezikun e diabetit të tipit 2 me një të tretën.
Ekspertët besojnë se kjo është për shkak se këta njerëz kanë më shumë gjasa të hanë snack gjatë ditës.
Drejtuesi i hulumtimit Dr. Sabrina Schlensinger, nga Qendra Gjermane e Diabetit në Düsseldorf, tha se besohej se 30% e njerëzve në mbarë botën e anashkalojnë mëngjesin.
Fatkeqësisht, ka më shumë gjasa të ndodhë me personat mbipeshë, të cilët mendojnë se kjo do të ulë marrjen e kalorive.
Njerëzit që anashkalojnë mëngjesin hanë më shumë snack gjatë ditës dhe marrin më shumë kalori në përgjithësi. Ata gjithashtu mund të hanë vakte të mëdha, duke ngadalësuar metabolizmin dhe duke rritur rrezikun e diabetit.’
Ky problem ka qenë i lidhur drejtpërdrejt me obezitetin, pasi 90% e të sëmurëve me diabet janë të tipit 2, që ka të bëjë kryesisht me dietën dhe stilin e jetesës.
Libby Dowling, nga Diabetes UK, tha se nevojiteshin më shumë kërkime për të kuptuar se cilët faktorë të tjerë fshiheshin pas lidhjes midis diabetit dhe mungesës së mëngjesit, por shtoi se “faktori më i rëndësishëm i modifikueshëm është pesha”.
Nutricionistja Victoria Taylor, nga Fondacioni Britanik i Zemrës, na kujton që të gjejmë gjithmonë kohë për vaktin më të rëndësishëm dhe të kujtojmë se kjo do të na pengojë të bëjmë zgjedhje jo të shëndetshme gjatë pjesës tjetër të ditës.
