Një dyqan është hedhur në erë me tritol në Fushë–Krujë. Ngjarja e rëndë ka ndodhur në orët e para të mëngjesit të djeshëm. Sipas burimeve të policisë, rreth orës 1:00 të mëngjesit një shpërthim i fuqishëm me lëndë plasëse ka ndodhur në një dyqan në pronësi të 36-vjeçarit me inicialet E.Xh., banues në Fushë-Krujë. Nga shpërthimi ka pasur vetëm dëme materiale. Policia ka shkuar në vendin e ngjarjes, por nuk ka mundur të kapë autorin e kësaj ngjarje të rëndë. Ende nuk është përcaktuar se çfarë lënde plasëse u përdor për shpërthimin.
