Drejtuesi politik i Koalicionit Euroatlantik, Lulzim Basha, bashkë me kandidatin për deputet Abaz Tafa, zhvilluan takime me qytetarë dhe të rinj në Njësinë 12 në Tiranë. Në qendër të bisedave ishte rëndësia e pjesëmarrjes në zgjedhjet e ardhshme dhe nevoja për një ndryshim të vërtetë në drejtimin e vendit.
Basha theksoi se modeli aktual i qeverisjes është i dështuar dhe se Shqipëria nuk mund të ecë drejt integrimit europian me një sistem ku, siç tha ai, “një brez i tërë mban mend vetëm një kryeministër”. Ai shtoi se një situatë e tillë nuk është shenjë demokracie, por një “model alla shqiptar” që nuk e çon vendin përpara.
“Në asnjë vend normal nuk ndodh që një brez i tërë të mbajë mend vetëm një njeri si kryeministër. Kjo nuk është demokraci, ky është model alla shqiptar. Mirëpo kështu nuk shkohet në Europë. Ai thotë ‘do ju jap pasaportat europiane’. S’ka asnjë shans të japë pasaporta europiane – maksimumi që mund të japë është leje dalje nga 7×7=313. Kushti për anëtarësimin në BE është që askush të mos dalë nga 7×7=313, por të futen edhe ata që kanë mbetur jashtë.
Mesazhi ynë për këto zgjedhje, për të gjithë, veçanërisht për rininë, është ky:
Voto Edi Ramën për të nxjerrë shokët nga burgu,
voto Sali Berishën për të nxjerrë Ilir Metën nga burgu,
voto numrin 4 – Koalicionin Euroatlantik, për ta çuar deri në fund luftën kundër korrupsionit dhe për të ndihmuar shqiptarët” – tha Basha.
Sipas tij, zgjedhjet e ardhshme janë një mundësi për qytetarët, sidomos për të rinjtë, për të ndëshkuar korrupsionin dhe për të mbështetur drejtësinë. Ai ironizoi qasjen e kundërshtarëve politikë, duke thënë se programi i tyre është: “Na jep votën që të nxjerrim shokët nga burgu”, ndërsa programi i Koalicionit Euroatlantik është të mbushet plot 7×7=313 – për ta çuar përpara luftën kundër korrupsionit dhe për të rikthyer pasuritë në duart e qytetarëve.
“Se lekët ose do jenë në xhepat e shokëve të Ramës, ose në xhepat e shqiptarëve – s’mund të jenë njëkohësisht edhe tek ata, edhe tek shqiptarët. Ne jemi një lëvizje që synon t’i japë mbështetje SPAK-ut, për ta çuar deri në fund luftën kundër korrupsionit. Vetëm ne e bëjmë këtë. Të tjerët kanë hallin e atyre që nxjerrin nga burgu, jo të qytetarëve.
Këta nuk duan ta luftojnë korrupsionin – këta janë korrupsioni.
Këta e duan votën për të nxjerrë shokët nga burgu.
Ky është programi i tyre: ‘Na jep votën që të nxjerrim shokët nga burgu’.
Programi ynë është i kundërt: na jep votën ta mbushim plot 7×7=313, sepse vetëm kështu kthehen paratë në xhepat e shqiptarëve” – u shpreh Basha.
